Ilarra lekale bat da, eta elikagai aldetik oso aberatsa da, karbohidratoak, proteinak, zuntza, bitaminak eta mineralak baititu.
Merezi du udaberri partean kontsumitzea elikagai hau, garaikoa eta freskoa kontsumitu ahal izateko, horrela bitaminen ezaugarri guztiei eutsiko baitie.
Ilarrak dituzten bitaminak hurrengoak dira:
- Folatoak, C bitamina eta niazina batez ere; ilar platerkada bat pertsona baten C bitaminaren beharrak betetzen ditu.
- A bitaminan eta karotenoideetan ere aberatsak dira; beraz, ilarrak maiz kontsumitzeak ikusmena osasuntsu izaten laguntzen du.
- K bitamina ere ugari daukate: bitamina horri esker hortzak eta hezurrak sendo egoten dira.
