Ez dira ohiko irudia. Gure inguruko katalogo gehienetan larrosa koloreko orrietan datoz neskei zuzendutako jostailuak —panpinak, etxeko lanak egiteko tresnak, makillatzeko margoak, apaintzeko pitxi-pitxiak…—, eta urdin koloreko orrialdeetan mutilendako jostailuak —baloiak, autoak, motorrak, pistola eta fusilak…—.
Erresuma Batuko Toys “R” jostailu denda multinazionalak jakitera eman duenez aurrerantzean ez du bereizketa hori egingo ez dendetan ez marketing kanpainetan. Erabaki hori Let Toys Be Toys izeneko kontsumitzaile elkarteak egindako lanaren ondorioa da. Jostailuak jolaserako erreminta dira eta komeni da haur guztiei mota guztietako jolasak eskaintzea. Umeek erabakiko dute zerekin edo zertan jolastu.
Erderaz osorik: HEMEN
