“Zergatik ez idatzi gurasoei?”, galdetu zuen Xabier Mendigurenek. “Ez bakarrik maite dituzula esateko. Edo bai”. 

“Goizero esnatzean, beti berdina izaten zen dena, erritua balitz bezala”, idatzi zuen Toti Martinez de Lezeak.

“Gogoratzen naiz ama nola ibiltzen nintzen zuri gonatik tira eta tira —oroitu zuen Dionisio Amundarainek—. Zein gogor egiten zaidan orain zuen, aitaren eta amaren, jiran ezin ibilia”.

Lehiaketako epaimahaikide Uxue Alberdi izan da.

“SMSrik eta Whatsappik gabeko antigoaleko denbora haietan, zein umek idatziko zien gurasoei hauek urrun zeuzkanak ez besterik?”, galdetu zuen Pello Zubiriak lehiaketaren aurkezpenean. Lehen hala bazen, orain, Ttikliken eskutik, ez da horrela, eta hori sarituz, Ttiklikek goizpasa polita antolatu zuen familia osoarentzako, bere hirugarren urteurrena ospatzeko.